महोत्तरी । महोत्तरीको औरही नगरपालिकामा मेयरमाथि हातपात प्रयास गरेको आरोपमा प्रहरीले तीन जनालाई पक्राउ गरेको छ ।
नगर प्रमुख प्रदीपकुमार खड्काले बुधबार आफूमाथि कार्यालयमै हातपातको प्रयास भएको बताएका छन् । बिहान करिब ११:३० बजे केही व्यक्तिहरू ठूलो समूहमा नगरपालिकाको कार्यालयभित्र पसेर आफूमाथि हातपातको प्रयास गरेको आरोप बताएका छन् ।
उनीहरूको समूह नगरपालिका कार्यालय प्रवेश गरेर नगरप्रमुखसहितका जनप्रतिनिधि तथा कर्मचारीमाथि समेत अभद्र व्यवहार र हातपात भएको आरोप छ ।
घटनापश्चात् कार्यालयबाट प्रवाह हुने अत्यावश्यक सेवाबाहेकका सम्पूर्ण सेवा अनिश्चितकालका लागि ठप्प गरिएको छ ।
