काठमाडौं- कान्तिपुर मिडिया ग्रुपका अध्यक्ष कैलाशप्रसाद सिरोहियालाई पक्राउ गर्न धनुषा जिल्ला अदालतले प्रहरीलाई अनुमति दिएको छ।
जिल्ला अदालत धनुषााका न्यायाधीश चित्रबहादुर गुरुङको इजलासले नागरिकता प्रकरणमा मंगलबार सिरोहियाका नाममा पक्राउ पुर्जी जारी गरेको हो ।
धनुषा जिल्ला अदालतका सूचना अधिकारी डम्बरप्रसाद घिमिरेले नागरिकता प्रकरणमा सिरोहियाविरुद्ध पक्राउ पुर्जी जारी भएको जानकारी खबरहबलाई दिएका छन् ।
‘अदालतको इजलास नम्बर २ बाट कैलाशप्रसाद सिरोहियालाई पक्राउ गर्न आदेश जारी भएको छ’, घिमिरेले भने, ‘नागरिक प्रकरणमा चलिरहेको मुद्दालाई लिएर २ नम्बर इजालसबाट मंगलबार यस्तो आदेश भएको हो ।’
