काठमाडौं, २९ फागुन । देशभरका सरकारी कार्यालयमा रहने राष्ट्रपति रामचन्द्र पौडेलको आधिकारिक तस्बिर सार्वजनिक भएको छ ।
राष्ट्रपति कार्यालयले वेबसाइटमार्फत राष्ट्रपति पौडेलको आधिकारिक तस्बिर सार्वजनिक गरेको हो ।
राष्ट्रपतिको तस्वीर देशभरका सरकारी कार्यालयमा झुण्ड्याउने प्रचलन छ ।
पौडेलले पद तथा गोपनीयताको शपथ लिएर पदभार सम्हालेपछि वेबसाइटमार्फत आधिकारिक तस्बिर सार्वजनिक भएको हो ।
पाँच वर्षे कार्यकालका लागि पौडेल फागुन २५ गते राष्ट्रपतिमा निर्वाचित भएका थिए ।
