काठमाडौं, १४ चैत । एएफसी यू–२० महिला एसियन कप क्वालिफायरको दोस्रो चरणको लागि नेपालले प्रारम्भिक टोली घोषणा गरेको छ ।
नेपाली यू–२० महिला टोलीका मुख्य प्रशिक्षक याम गुरुङले पहिलो चरणमा ३२ खेलाडीको नाम घोषणा गरेको हो ।
गुरुङले यसअघि पहिलो चरणको छनोट खेलेकै टोलीका अधिकांश खेलाडीसँगै साफ यू–१७ महिला च्याम्पियनसिप खेलिरहेका टोलीका खेलाडी पनि समेटेको जनाएका छन् ।
त्यस्तै राष्ट्रिय टोलीका नियिमत सदस्यहरु प्रिती राई, दीपा शाही र अमिसा कार्कीसमेत टिममा छन् ।
अखिल नेपाल फुटबल संघ एन्फाले जनाए अनुसार बन्द प्रशिक्षक अप्रिल ४ देखि सुरु हुनेछ ।
दोस्रो चरणको छनोट खेलहरु आगामी जुन ३ देखि ११ सम्म हुने भएको छ ।
दोस्रो समूहमा नेपाल समूह बी मा प्रवेश गरेको छ भने यस समूहमा चीन, म्यानमार र चाएनिज ताइपेइ छ ।
नेपाल पहिलो चरणको समूह विजेता बन्दै दोस्रो चरणमा छनोट भएको हो । प्यालेस्टाइनमा भएको पहिलो चरणको छनवटमा नेपालले घरेलु टोली र नर्दन मारियाना आइसल्यान्डमालाई समान ६–० ले पराजित गरेको थियो ।
