काठमाडौँ, १६ फागुन । अमेरिकी गायिका सेलेना गोमेजले सामाजिक सञ्जालबाट विश्राम लिने घोषणा गरेकी छन् ।
पूर्वप्रेमी जस्टिन बिबरकी पत्नी हेली बिबरसँगको हालैको विवादपछि उनले फ्यानलाई सामाजिक सञ्जालबाट विश्राम लिने घोषणा गरेका हुन् ।
इन्स्टाग्राममा धेरै पछ्याइने महिलाको कीर्तिमान राखेको केही दिनमै सेलेनाले दोस्रोपटक सामाजिक सञ्जालबाट टाढिन लागेको जनाएकी हुन् ।
पूर्वप्रेमी जस्टिन बिबरकी पत्नी हेलीसँग चलिरहेको ‘आँखी भौं’ विवादमा उनी संलग्न थिइन् । यो घटना टिकटकमा सेलेनाको स्वीकारोक्तिबाट सुरु भएको हो जुन संयोगवश उनको आइब्रो ‘ओभर–लेमिनेट’ गरिएको थियो ।
काइली जेनर र हेली बिबरसँग झगडापछि सेलेनालाई कठिन भएको हुनसक्ने अड्कलबाजी गरिएको छ । फ्यानले सामाजिक सञ्जालबाट टाढा हुने सेलेनाको निर्णयलाई भने समर्थन गरेका छन् ।
ट्विटर प्रयोगकर्ताले काइली र हेलीलाई उनीहरूको कार्यको लागि आलोचना गरेका छन् । बिना कारण सेलेनालाई दुव्र्यवहार गरेको आरोपसहित यी दुई जनाविरुद्ध फ्यान उत्रिएका थिए ।
सेलेनाले टिकटक लाइभमा आफूले सामाजिक सञ्जालबाट विश्राम लिने भन्दै फ्यानलाई जानकारी गराएकी थिइन् ।
