जनकपुरधाम, १४ फागुन । नेपाली कांग्रेसको स्वास्थ्य विभाग मधेस प्रदेशले चिकित्सक डा. सज्जन ठाकुरलाई स्वास्थ्य विभाग उप–प्रमुखमा नियुक्त गरेको छ ।
नेपाली कांग्रेसको विधान २०१७ (संसोधन सहित) को धारा १३ (११) (ग) बमोजिम महोत्तरी स्थायी ठेगाना भएका डा. ठाकुरलाई स्वास्थ्य विभाग उप–प्रमुखमा नियुक्त गरिएको हो ।
विभाग प्रमुख शर्मिला थापाले आइतबार एक पत्र लेख्दै डा. ठाकुरलाई विभागको उप–प्रमुखमा नियुक्त गरिएको जानकारी दिएकी छन् ।
पत्रमा भनिएको छ, ‘स्वास्थ्य विभागको साथै समग्र नेपाली कांग्रेस पार्टीलाई थप सुदृढ एवं गतिशील बनाउनमा तपाईं डा. सज्जन ठाकुरको महत्वपूर्ण योगदान रहनेछ भन्ने विश्वास राखेको छु ।’
