काठमाडौं, ३ फागुन । प्रतिनिधि सभा बैठकमा बोल्दै सांसद राजेन्द्र पाण्डेले ७० अंक ल्याउँदा पनि सवारी चालक अनुमति लाइसेन्स पत्र दिने व्यवस्थाले सडक दुर्घटना बढाउने बताएका छन् ।
आफू बागमती प्रदेशको मुख्यमन्त्री हुँदा यस्तो व्यवस्था ल्याउन रोकेको भए पनि अहिले सरकारले यो व्यवस्था लागु गरेको भन्दै उनले आपत्ति जनाएका हुन् ।
‘रातो बत्ति बल्दा पनि वा ट्राफिक संकेतको पालना नगर्नेले पनि अब सवारी लाइसेन्स पाउने भए,’ उनले भने, ‘त्यसरी लाइसेन्स दिने हो भने ड्राइभिङ लाइसेन्सभन्दा पनि टुर्घटना लाइसेन्स बन्ने छन् ।’
